rassegna stampa Adria Ferries

Eurizon hyn ne kapitalin e Adria Ferries

 

Nënshkruar marrëveshja per të investuar në kompaninë e lundrimit dorica

Ankona, [5] Nëntor 2021 - Eurizon, kompania e administrimit të aseteve të Grupit Intesa Sanpaolo me 426 miliardë euro aktive, ka nënshkruar një marrëveshje për të blerë, nëpërmjet dy fondeve të investimeve alternative Eurizon ITEᴙ dhe Eurizon ITEᴙ ELTIF, 33, 3 % të Adria Ferries, një operator i rëndësishëm italian që ofron shërbimin e lidhjes detare midis Italisë dhe Shqipërisë me një flotë anijesh për transport automjetesh dhe pasagjerësh (roro-pax).

Adria Ferries është një kompani me bazë në Ankona e cila aktualisht është në pronësi të plotë të Equinox Holding s.r.l. dhe të udhëhequr nga sipërmarrësi Alberto Rossi. Operacioni do të  përfundojë pasi të jenë marrë autorizimet nga autoritetet kompetente dhe do të synojë të nxisë një rritje dimensionale të kompanisë në vitet e ardhshme. Për më tepër, krahasuar me aksionet e fituara në mbyllje, dy fondet Eurizon ITEᴙ do të kenë një opsion investimi të mëtejshëm në Adria Ferries, për një aksion shtesë prej 10% në kapitalin e kompanisë, i cili mund të ushtrohet deri më 31 dhjetor 2023. Prania e Eurizon në strukturën aksionere do t'i lejojë kompanisë t'i japë një shtysë të rëndësishme rrugës së rritjes dhe zhvillimit industrial të nisur vitet e fundit, dhe në të njëjtën kohë të forcojë aftësitë për të kapur mundësitë e investimeve që synojnë konsolidimin e mëtejshëm të vlera të Kompanisë në nivel kombëtar dhe ndërkombëtar.

Adria Ferries, një operator lider në sektorin e mallrave dhe pasagjerëve për lidhjet midis Italisë dhe Shqipërisë, është një kompani dinamike dhe efikase, e cila që nga themelimi i saj ka luajtur gjithmonë një rol parësor në inkurajimin dhe konsolidimin e zhvillimit të tregut dhe marrëdhënieve tregtare mes të dy vendet, duke regjistruar deri tani mbi 4.2 milionë pasagjerë me 910,000 automjete dhe në tre vitet e fundit, 160,000 kamionë të transportuar.

Zgjedhja e një lojtari botëror si Eurizon për të investuar në Adria Ferries, përvecse është një burim krenarie për kompaninë dhe sipërmarrësin e saj Alberto Rossi, konfirmon cilësitë dhe potencialin e kompanisë, të cilat edhe gjatë emergjencës pas pandemisë Covid demonstruan rezistencën dhe qëndrueshmërinë , duke i konfirmuar Eurizon-it mirësinë e zgjedhjes së tij.

Karakteristikat e Fondeve të Investimeve Eurizon, të cilat synojnë të shoqërojnë kompaninë në projektin e rritjes industriale me një horizont afatmesëm, i përgjigjen saktësisht nevojave të sipërmarrësit Alberto Rossi dhe menaxhimit aktual të kompanisë, i cili, me pranine dhe kontributin e drejtuesve të kualifikuar që do të përfaqësojnë fondet Eurizon në Bordin e Drejtorëve të kompanisë, do të jenë në gjendje të përballojnë dhe të kapin mundësitë dhe sfidat që mund të ofrojë tregu, me perspektiva afatmesme dhe afatgjata.

 

Për menaxhimin e dy fondeve, Eurizon përfiton nga mbështetja operacionale e ITEᴙ Capital Partners, një kompani këshilluese e themeluar nga Ing. Vito Gamberale, së bashku me tre drejtues të tjerë me përvojë shumëvjeçare në investime në infrastrukturë, Mauro Maia, Matteo Ambroggio dhe Luigi Radice.
Dy fondet Eurizon ITEᴙ u asistuan nga Bonelli Erede për pjesën ligjore, nga VSL Club për pjesën e biznesit, nga Studio Navale Romano për pjesën teknike, nga KPMG për pjesën financiare dhe ESG dhe nga Freshfields për pjesën fiskale.
Equinox Holding u asistua nga Divizioni Bankar i Korporatave dhe Investimeve i IMI i Intesa Sanpaolo, i cili vepronte si Këshilltar Financiar, dhe nga PwC dhe PwC TLS për aspektet ligjore, financiare dhe të biznesit.

 

NJOFTIM PER SHTYP 

Adria Ferries mbështet Shqipërinë dhe aktivizon një njësi krize

 

 adriaferries_mbështesin_tërmetin_eshqipërisë

 


Adria Ferries mbështet Shqipërinë e goditur nga tërmeti 

Një tërmet me magnitudë 6.4 ballë ka goditur natën brigjet veriore të Shqipërisë, me datë 26/11/2019 në 02:54 sipas orës lokale. Tërmeti e ka pasur epiqendrën e tij rreth 10 km larg qytetit të Durrësit dhe 31 km nga qyteti i Tiranës duke shkaktuar të paktën 26 viktima, qindra të plagosur dhe dëme shumë të rënda në territor.

Duke pasur parasysh lidhjen e thellë, që tash sa kohë ka bashkuar Adria Ferries me Vendin e shqiponjave, Shoqëria italiane e lundrimit ka aktivizuar menjëherë brenda saj një njësi krize për të reaguar menjëherë dhe për të dhënë mbështetje të menjëhershme për çdo kërkesë me karakter urgjent dhe humanitar apo emergjencë shëndetësore që arrin dhe për të qenë në dispozicion të autoriteteve dhe institucioneve italiane dhe shqiptare.

 

adriaferries_mbështesin_tërmetin_eshqipërisë_durres

 

 

Rrjeti i agjencive portuale të Shoqërisë është vënë në gjendje alarmi dhe është gati të transmetojë në zyrën qendrore çdo kërkesë që mbërrin në vend.

Skuadra e drejtuar nga Dokt. Roberto Mataloni, nga Dokt.sha Michela Rossi dhe Dokt. Gabriele Ubaldi vazhdon të administrojnë çdo kërkesë dhe nevojë, për sa i përket operacioneve të asistencës për popullsitë e goditura nga tërmeti.

Shoqëria gjithashtu ka vënë në dispozicion anijet e saj, që drejtohen për në Durrës, që nisen nga portet e Ankonës dhe Barit për imbarkimin e karvanëve me njerëz dhe të autokolonave të Mbrojtjes Civile të Rajoneve Molise, Basilicata, Lazio dhe Puglia duke ofruar ushqime falas në bord për personelin ushtarak dhe vullnetar, për kolonat e lartpërmendura.

 

KOMUNIKATË SHTYPI

 

adriaferries_mbështesin_tërmetin_Shqipëri

 

Një llogari rrjedhëse e dedikuar për mbledhjen e fondeve

  

Shoqëria Adria Ferries ka vendosur hapjen e një llogarie rrjedhëse të dedikuar për mbledhjen e fondeve, për të ndihmuar popullsinë e prekur nga tërmeti.

Për të dhënë kontributin tuaj është e mundur të bëni një donacion, deri më 15 janar 2020, me anën e një urdhërxhirimi në llogarinë rrjedhëse që është hapur për këtë qëllim për mbledhjen e fondeve:

BENEFICIARIO (PËR LLOGARI TË): ADRIA FERRIES S.p.A.

BANCA: UBIBANCA S.p.A. – Sede di Ancona

IBAN: IT 29 V 03111 02684 000 000 002 557

CAUSALE (ARSYEJA): AIUTI PER IL TERREMOTO IN ALBANIA (NDIHMA PËR TËRMETIN NË SHQIPËRI)

 

Adria Ferries do të kontribuojë në mënyrë aktive për këtë mbledhje fondesh, në llogarinë rrjedhëse të lartpërmendur; 2,00 € për çdo pasagjer dhe automjet që do të udhëtojë me biletën e Shoqërisë në anijet që ushtrojnë aktivitetin e tyre në linjat Ankona - Durrës dhe Bari - Durrës, duke filluar me udhëtimet e planifikuara që nga dita e sotme e deri më 15 janar 2020.

 

KOMUNIKATË SHTYPI

 

Shihe artikujt në këtu: 

 

  • “Terremoto in Albania, Adria Ferries attiva unità di crisi e conto corrente per raccolta fondi" - Vivere Ancona
  • "Adria Ferries sostiene l’Albania colpita dal sisma" - AdriaEco
  • "Adria Ferries ha attivato una unità di crisi e un conto corrente dedicato per il sisma in Albania" - Corriere Adriatico
  • "Terremoto in Albania, in partenza Vigili del fuoco da Ancona" - Centro Pagina
  • "Terremoto in Albania, almeno 15 i morti: la scossa avvertita anche nelle Marche" - Ancona Today
  • "Terremoto in Albania, attivata l’unità di crisi della Adria Ferries" - Cronache Ancona
  • "Regione Marche in prima fila per Albania" - Ansa Marche
  • "Sisma, il “mostro” nel cuore della notte dall’altra parte del mare " - ETV Marche
  • "Da Bari in soccorso dell'Albania: dal porto la partenza di volontari e vigili del fuoco per Durazzo" - Bari Today
  • "Da Bari in soccorso dell'Albania: dal porto la partenza di volontari e vigili del fuoco per Durazzo" - Libero
  • "Terremoto Albania, almeno 23 morti e 600 feriti: persone sepolte vive tra le macerie, in arrivo tanti aiuti internazionali." - MeteoWeb
  • "Terremoto in Albania: 23 morti e 650 feriti. Scosse avvertite anche in Puglia e Basilicata. I soccorsi partono da Bari e Brindisi" - La Gazzetta del Mezzogiorno
  • "Albania, Adria Ferries attiva unità crisi" - Sky tg24
  • "Sisma in Albania, Adria Ferries attiva unità di crisi e apre alle donazioni" - Travelnostop

 

 

Adria Ferries rinovon flotën e saj për një të ardhme të qëndrueshme

 

dria Ferries për një të ardhme të qëndrueshme

 

Shoqëria e lundrimit Adria Ferries zgjedh rinovimin e flotës së saj dhe të niset drejt një të ardhmes së qëndrueshme, në mënyrë që të kontribuojë konkretisht në mbrojtjen e burimeve natyrore. Përveç prezantimit të tragetit të ri AF Claudia, me rastin e konferencës së shtypit me datën 18 nëntor 2019, Shoqëria prezanton aparaturat e reja me të cilat ka pajisur flotën e saj, në gjendje për të zvogëluar në mënyrë drastike ndikimin ambiental, duke respektuar vlerat thelbësore të vizionit të ndërmarrjes: avangardë e qëndrueshmërisë.  Adria Ferries, në fakt, gjithmonë ka synuar zhvillimin e zgjidhjeve novatore që kontribuojnë në ruajtjen e ambientit dhe të formave të tij të jetës. 

 

Adria Ferries paraqet tragetin e ri AF Claudia 

 

2040 metra linear të nëndarë përmes 140 kamionëve dhe 75 automjeteve, 950 pasagjerëve, 76 kabinave dhe me 22 nyje shpejtësi: këto janë karakteristikat e tragetit të ri AF Claudia, investimi i fundit i rëndësishëm i shtëpisë Adria Ferries që do të shërbejë linjën Ankona Durrës. Trageti i jep rastin Shoqërisë që të eksperimentojë një seri shërbimesh të integruara dhe gjithnjë e më shumë të avancuara, që nuk janë ofruar kurrë më parë, në përputhje me vizionin e ndërmarrjes për të rritur vlerën e përvojës së udhëtimit të pasagjerëve të saj që gjithmonë i ka konsideruar jo klientë të thjeshtë, por miq në bordin e anijes. Trageti i ri AF Claudia do të jetë skena e projekteve novatore që synon t’i garantojë miqve të mëdhenj e të vegjël një qëndrim të rehatshëm dhe të këndshëm në bordin e tragetit, të shoqëruar me cilësi, siguri dhe profesionalizëm.


Fjalëkalimi i kësaj new entry është avangardë: Shoqëria, në fakt, synon te novatorizmi dhe teknologjia me qëllim që të zhvillojë dhe përmirësojë shërbimin e lidhjeve Itali-Shqipëri në mënyrë që të planifikojë punimet për restyling dhe punimet për zgjerim, të parashikuara brenda verës 2020.
Së bashku me zgjerimin, në fakt, i cili do të dyfishojë kapacitetin aktual të pasagjerëve, do të rishikohet plotësisht koncepti i hapësirave të përbashkëta duke pasur parasysh një qasje sigurisht më “passenger friendly”.


Do të ketë aktivitete të shumta argëtuese të menduara për të shoqëruar mysafirët gjatë gjithë kohës së udhëtimit (ndërmjet të cilave hapësira për fëmijët, snack bar, free wi-fi, Duty-Free), së bashku me shërbimin e restorantit në bord i cili nuk mungon kurrë e që do të ofrojë një larmi ushqimesh 100% Made in Italy, të përgatitura nga shefat më të mirë me përvojë shumëvjeçare dhe që është rezultati i një përzgjedhjeje të kujdesshme të lëndëve të para.


Sipas këndvështrimit të “udhëtimit të qëndrueshëm” Adria Ferries, në përputhje me Normativën e re Imo 2020, e cila parashikon uljen e emetimeve të squfurit nga anijet, ka zgjedhur të rinovojë sistemet e shkarkimit të flotës së saj në mënyrë që të kontribuojë konkretisht në mbrojtjen e burimeve natyrale: AF Claudia, në të fakt, është e pajisur tashmë me scrubbers, aparatura për larjen e gazeve të shkarkimit të cilat janë në gjendje të zvogëlojnë në mënyrë drastike, nëpërmjet ujit të detit, sasinë e squfurit të pranishëm në tymrat e prodhuar.


Trageti i ri Claudia do të dallohet, pra, jo vetëm për larminë e shërbimeve, të komfortit dhe shpejtësisë, karakteristika këto vendimtare për të garantuar një lundrim me standarde të larta cilësore, por edhe për qëndrueshmërinë, një vlerë kryesore e një modeli biznesi të orientuar drejt zhvillimit të teknologjive që synojnë zvogëlimin e ndikimit ambiental të emetimeve ndotëse.

 

KOMUNIKATË SHTYPI

 

Një flotë gjithnë e më shumë green: Adria Ferries paraqet pajisjet Scrubbers

   

Shoqëria e lundrimit Adria Ferries, e para në portin e Ankonës, si përgjigje ndaj normativës Low Sulphur Cap 2020 në fuqi që nga 1 janari i ardhshëm dhe paraprakisht në krahasim me afatin e përcaktuar sipas ligjit, ka zgjedhur të rinovojë sistemet e shkarkimit të flotës së saj me qëllim që të kontribuojë konkretisht në mbrojtjen e burimeve natyrore. 

Normativa Imo, në fakt, parashikon që anijet e çdo flamuri duhet të përdorin lëndë djegëse me përmbajtje squfuri në masë jo më të lartë se 0.5%, në dallim nga kufiri i deritanishëm i toleruar prej 3.5%, me qëllim që të zvogëlohet ndotja atmosferike e shkaktuar nga emetimet e anijeve.

Me këtë rast, me qëllim që të përmbushen kërkesat e duhura deri në fund të vitit 2020, Normativa ka vënë në dispozicion të shoqërive armatore opsionet e mëposhtme: 

1. përdorimin e karburantit me përmbajtje të ulët squfuri (0,5%) ose naftë marine (MGO)
2. përdorimin e gazrave alternativ siç është gazi i lëngshëm (LNG) ose bio-karburantet pa squfur.
3. pajisjen e anijeve me impiante të pastrimit të gazeve të shkarkimit që quhen scrubbers, të cilët lejojnë funksionimin me lëndë djegëse me përmbajtje të lartë squfuri (HSFO).

Duke respektuar misionin e saj, Shoqëria e lundrimit ka perfeksionuar flotën e vet duke pajisur të dy anijet, AF Marina dhe AF Claudia, me aparatura për larjen e gazeve të shkarkimit, që quhen scrubbers, e që janë në gjendje të zvogëlojnë në mënyrë drastike, nëpërmjet ujit të detit, sasinë e squfurit të pranishëm në tymrat e prodhuar. 

Avantazhet që lidhen me përdorimin e pajisjeve Scrubber në krahasim me alternativat e propozuara nga Normativa janë të shumta:


- të zvogëlojë në mënyrë të konsiderueshme grimcat e ndotësve atmosferikë siç janë hidrokarburet policiklikë aromatikë (PAHS) që janë të dëmshme për mjedisin;
- të eliminojë një pjesë të madhe të blozës që del nga oxhakët dhe që ndikon negativisht në cilësinë e ajrit dhe rrjedhimisht në shëndetin e njeriut;
- të mos shtojë lëndë ndotëse të rrezikshme në ujë;
- të monitorojë parametrat e PH-së, turbullirën dhe sasinë e PAH-së së pranishme në ujërat në dalje;

Nënkuptohet, pra, se me anën e përdorimit të aparaturave për eliminimin e emetimeve të dëmshme, siç janë Scrubbers, është e mundur të zvogëlojnë ndjeshëm substancat e rrezikshme të prodhuara nga gazrat e shkarkimit; jo vetëm squfurin, por edhe ndotësit atmosferikë dhe materialet e tjera që përndryshe do të shpërndaheshin në ajër.


Zgjedhja e këtyre teknologjive i garanton Adria Ferries jo vetëm respektimin e normativave, por edhe të vlerave thelbësore të vizionit të ndërmarrjes: për të qenë pararojë dhe për të pasur qëndrueshmëri. Shoqëria, në fakt, gjithmonë synon një administrim të përgjegjshëm të aktiviteteve të saj, të aftë për të siguruar zhvillimin e zgjidhjeve novatore që të kontribuojnë në ruajtjen e ambientit dhe të formave të tij të jetës.

 

KOMUNIKATË SHTYPI

 

Shihe artikujt në këtu: 

 

  • “Adria Ferries, svolta green con la nuova AF Claudia: in Albania rispettando l'ambiente" - Ancona Today
  • "Adria Ferries all’insegna della sostenibilità ambientale" - AdriaEco
  • "Italia Nostra a bordo di AF Claudia: «Bene gli scrubbers, ma ora spostate i traghetti" - Ancona Today
  • "Adria Ferries pronta per IMO2020: scrubber già installati su AF Marina e AF Claudia" - Ship2Shore
  • "Adria Ferries anticipa Low Sulphur Cap" - Ansa Marche
  • "Adria Ferries: servizi integrati a bordo della nuova unità Af Claudia" - Guida Viaggi
  • "Adria Ferries anticipa Low Sulphur Cap" - Virgilio
  • "A bordo di “AF Claudia”, il nuovo traghetto con la catalitica" - Ancona Today
  • "Marche: Ceriscioli alla presentazione del rinnovo della flotta di Adria Ferries" - FerPress
  • "Adria Ferries anticipa Low Sulphur Cap" - Venti4ore
  • "Adria Ferries, svolta green con la nuova AF Claudia: in Albania rispettando l'ambiente" - Geos News
  • "Adria Ferries presenta la flotta sostenibile. Ceriscioli: «Investimenti nella giusta direzione»" - Geos News
  • "Adria Ferries rinovon flotën dhe paraqet tragetin e ri AF Claudia" - Shqiptarja.com
  • "Adria, anija e re ekologjike që lidh Durrësin me Ankonën" - Shqiptarja.com

 

Adria Ferries sponsor zyrtar i Animus Youth Games 2019

 

Sfilata Youth Games 2019

 

Nga data 27 deri më 29 shtator, janë zhvilluar në Ankona lojërat e të rinjve të Adriatikut dhe të Jonit, aktualisht Animus Youth Games, gjithashtu në sajë të projektit Animus (Adriatic Ionian Games for Social Inclusion) të bashkëfinancuara nga programi Erasmus+ i Komisionit Evropian. Tani kanë arritur në edicionin e tyre të tretë dhe mbështeten fuqimisht nga këshilltari i Sportit të Komunës së Ankonës, Andrea Guidotti, iniciativa ka mbledhur në qytetin dorik rreth njëmijë atletë të rinj të moshës 15 dhe 16 vjeç, nga 16 Vende në zonën e Danubit dhe Baltikut, të cilët janë përballur në 9 disiplina sportive: atletikë, volejboll plazhi, futboll, basketboll 3 × 3, hendboll, waterpol, rugby, taekwondo dhe tenis. "Turneu i Lojërave Rinore - pohon këshilltari Andrea Guidotti - ka nxjerrë në pah një nivel shumë të lartë të përgatitjes sportive, duke dëshmuar se sa i rëndësishëm është sporti në vendet e tjera. Por, përtej rezultateve përfundimtare, te të cilat doli që Serbia u dallua për numrin më të madh të medaljeve, ishte Sporti, edhe në këtë edicion, si instrumenti kryesor i rritjes dhe shpërndarjes së principeve dhe vlerave të rëndësishme ndërmjet evropianëve të rinj". Me rëndësi thelbësore për suksesin e eventit ishte sigurisht puna e MIUR-it, nëpërmjet Zyrës shkollore rajonale për Marche-t, e cila ka përfshirë institute të ndryshme shkollore, duke mbledhur mbi 400 studentë të angazhuar në sektorë të ndryshëm: pritje, komunikim, interpretim, prezantim turistik të qyteteve dhe shfaqje muzikore në skenë.

 

Adria Ferries Main Sponsor 2019

 

AF Claudia në Portin e Ankonës

 

Adria Ferries, Shoqëria leader e transportit detar në linjën Itali Shqipëri, është treguar veçanërisht e ndjeshme ndaj angazhimit për të përhapur një iniciativë që synon bashkëpunimin ndërmjet Vendeve dhe për të inkurajuar sportin gjithëpërfshirës dhe kohezionin social, aq sa të rinovohet mbështetja e saj në tre edicione radhazi. Me rastin e eventit, në fakt, Shoqëria ka ofruar për një grup prej rreth 200 fëmijësh, një udhëtim falas në anijet e Adria Ferries së bashku me ushqimet në bord, por edhe të gjithë mbështetjen e nevojshme, nga Divizioni Media dhe Komunikim, për të nxjerrë në pah iniciativën në shkallë kombëtare dhe ndërkombëtare duke përfshirë shtypin dhe kanalet kryesore të mediave që ka në dispozicion.

.

 

Alberto Rossi CEO i Adria Ferries

"Sporti është një shkollë e madhe jete edhe me Youth Games, që përfaqësojnë një moment të rëndësishëm për të stimuluar përfshirjen, afërsinë dhe solidaritetin, ai është edhe më shumë. Ky manifestim i bukur është një rast për të vënë në kontakt kulturat, mentalitetet dhe kombësitë e ndryshme, por në të njëjtën kohë të bashkuar nga një shpirt i shëndetshëm sportiv dhe konkurrues - shpjegon Alberto Rossi, mbështetës i iniciativës që nga edicioni i parë - është receta ideale për të luftuar dallimet dhe për të integruar popujt dhe kombet. Adria Ferries ka vendosur të përqafojë edhe një herë manifestimin sepse nuk bën kurrë programe dhe investime të rastësishme. Kemi qenë sponsorizues të kësaj iniciative që nga momenti i parë i saj, sepse na ka entuziazmuar, na ka pëlqyer atmosfera dhe lloji i organizimit. Ne e kemi mbështetur atë që nga fillimi, e mbështesim atë tani dhe do të vazhdojmë ta bëjmë këtë në të ardhmen ".

 

PAKTI I MIQËSISË ME SERBINË

 

Pakti i Miqësisë Ankona e Sabac në Youth Games 2019

  

Një etapë e rëndësishme e Games ka qenë firmosja e Paktit të miqësisë, të shtunën më 28 shtator, ndërmjet Komunës së Ankonës dhe qytetit serb Sabac, dy qytete të cilat ka mjaft kohë që bashkëpunojnë në sektorin e Sportit dhe të Politikave të rinisë, duke filluar që nga edicioni i parë i projektit “Adriatic and Ionian Youth games” që u zhvillua në 2014-ën në Ankona. Me këtë Pakt të dy qytetet kanë premtuar që të krijojnë lidhje miqësore ndërmjet bashkësive të tyre, promovimin e shkëmbimin e përvojave, iniciativa turistike, ekonomike, sportive dhe kulturore.

"Demonstrimi konkret - tha kryebashkiakja Mancinelli - se si Youth Games arrijnë të zgjerojnë kapacitetin e tyre pozitiv dhe shtytës edhe përtej sportit. Kjo marrëveshje bashkëpunimi nuk ka të bëjë vetëm me sportin, por me të gjitha gjërat pozitive që të dy qytetet mund të bëjnë së bashku. Sporti është një mjet dhe pastaj shkohet më tej ”. "Për ne - ka theksuar Nemanja Pajic, Presidenti i Këshillit të Sabacit dhe përfaqësues i qytetit në parlament - ky Pakt i Miqësisë ka një rëndësi tepër të madhe. Sporti është një ambasador i mirë dhe do të na lejojë gjithashtu të flasim për ekonominë. Jemi të vetëdijshëm që me këtë firmë do të krijohen shumë mundësi, dhe do të hapen horizonte të reja. Ndoshta do të arrijmë të kemi qasje në fondet evropiane të menduara për qytetet e binjakëzuara. Ankona, një qytet miqësor, mund të na ndihmojë gjatë kësaj rruge: ajo tashmë është në komunitetin Evropian dhe ka shumë përvojë”.

 

 

SUKSESI I EVENTIT

 

Stafi Adria Ferries me Autoritetet në Youth Games 2019

 

Kryetarja e Bashkisë, Valeria Mancinelli, pas falënderimeve të rastit për institucionet komunitare dhe lokale, federatat sportive, shkollat, shoqatat, stafin komunal dhe të mbrojtjes civile, sponsorët dhe përkrahësit, ka shfaqur kënaqësinë e saj “për një organizatë që ka funksionuar më mirë se ç’ka pasur mundësi, duke u lejuar qindra fëmijëve të kombësive të ndryshme të bashkëveprojnë në emër të sportit, të argëtohen dhe të njihen me njëri-tjetrin, në siguri të plotë, duke hedhur themelet për një projekt të përbashkët dhe të bashkë-ndashëm, i cili është fryma e institucioneve makro-rajonale ". Në të vërtetë, qëllimi i Lojërave ka qenë gjithmonë që të përmirësojë ndjenjën e bashkëpunimit, të përkatësisë dhe vetëdijes brenda një makro-rajoni evropian, duke hequr barrierat sociale dhe kulturore dhe duke rritur vlerën e përbashkët të sportit.

 

Kryetari i Bashkisë Ankona me Autoritetet në Youth Games 2019

 

Katër janë arsyet fisnike të suksesit të projektit sipas Kryetares së bashkisë Mancinelli: bashkëpunimi konkret ndërmjet subjekteve të ndryshme, institucionale dhe jo; dimensioni ndërkombëtar i arritur nga qyteti i Ankonës në raport me Evropën dhe botën; aftësia e arritur për të gjetur dhe përdorur fondet evropiane, në sajë të një rrjeti që funksionon dhe së fundi entuziazmi tërheqës i të rinjve.

 

Eventi solli një frymë freskie dhe multikulturalizmi në Ankona, e cila për disa ditë u bë skenë ngjarjesh, shfaqje fishekzjarresh, takimesh, himnesh kombëtare, mesazhesh shumëgjuhëshe me një përfshirje të papritur të të gjithë kryeqendrës dhe banorëve të saj.

 

 

http://www.ansa.it/marche/notizie/2019/09/18/ad-ancona-animus-youth-games_06a25007-5ba6-4b98-9890-6530e902da71.html

https://www.tmnotizie.com/indimenticabile-terza-edizione-degli-animus-youth-games/

https://fidest.wordpress.com/2019/09/21/giovani-in-gara-per-leuropa-del-futuro/

https://www.ilrestodelcarlino.it/ancona/sport/animus-youth-games-2019-1.4803946

https://www.ilcittadinodirecanati.it/notizie-territorio-marche/50022-youth-games-di-pace-patto-di-amicizia-tra-ancona-e-sabac-i-serbi-sognano-l-europa

https://www.tmnotizie.com/patto-di-amicizia-tra-ancona-e-sabac-i-serbi-sognano-leuropa/

https://www.cronacheancona.it/2019/09/27/youth-games-sfilano-i-colori-delle-mini-olimpiadi-foto-video/191638/

https://www.ilrestodelcarlino.it/ancona/sport/animus-youth-games-2019-1.4803946

 

 

Adria Ferries takon Kryeministrin Edi Rama

 takim edirama

 

Brenda pesë vitesh 10 milion tusrista 

Një fazë e rëndësishme e Educational Tour Press të organizuar nga Adria Ferries në Shqipëri ishte takimi me Edi Ramën, në Pallatin e Qeverisë në Tiranë, ku Kryeministri priti grupin e gazetarëve në një takim me dyer të mbyllura, duke u treguar menjëherë i hapur për dialog dhe në dispozicion për të kënaqur pyetjet e shumta të publikut të tanishëm. Sallat e Pallatit të Qeverisë janë të mëdha dhe të mobiluara në stilin klasik Giò Ponti, arkitekti italian i cili në Tiranë ka realizuar arkitektura të ndryshme.

Ministri e mirëpriti grupin në një sallë të madhe me dy stampime të mëdha me origjinë italiane që paraqesin detin dhe territorin shqiptar, simbole të lidhjes së ngushtë që historikisht bashkon Italinë dhe Shqipërinë. Me një gjuhë bisedore dhe ndonjëherë ironike, Edi Rama, i njohur edhe si Kryeministri Artist sepse është një piktor i njohur, ka trajtuar temën e fluksit të madh turistik të 5 viteve të fundit në Shqipëri, duke motivuar arsyet në lidhje me këtë fenomen dhe pastaj duke thelluar çështjen e lidhjes së ngushtë që bashkon Shqipërinë dhe Italinë dhe problemet, por më shpesh lehtësitë, të cilat turizmi shqiptar paraqet në sytë e miqve fqinjë italianë. Në fakt, Shqipëria po bëhet gjithnjë e më shumë një destinacion turistik i zgjedhur nga italianët për pushimet e tyre verore dhe jo verore.

"Për pesë vitet e ardhshme presim që të arrijmë në 10 milionë turistë" - pohon ministri - "shumë vijnë nga Evropa qendrore dhe veriore, si Polonia, Republika Çeke, Zvicra, por po vijnë gjithnjë e më shumë italianë dhe kohët e fundit edhe nga Izraeli. Këtu ekziston gjithçka që e bën një turist të lumtur, duke filluar nga trashëgimia jonë kulturore, megjithëse për fat të keq kemi humbur shumë në vitet ‘60, si për shembull 2500 kishat që u shkatërruan".

 

takim edirama alberto rossi

 

Shqipëria është një Itali e vogël: prandaj pëlqehet 

Pyetjes se pse italianët zgjedhin Shqipërinë si destinacion turistik dhe përse ai do t'i këshillonte të shkojnë atyre që ende nuk kanë shkuar, ministri u përgjigj duke pohuar se për shumë italianë Shqipëria është një Itali e vogël, e krahasueshme me vendin e gjyshërve të tyre, me të gjitha të mirat dhe të këqijat e saj. Ka shumë shqiptarë që flasin italisht dhe nuk mungojnë lidhjet detare nga Italia në Shqipëri: rrugët më të frekuentuara janë ato të shoqërisë Adria Ferries, që me tragetet e saj AF Michela, AF Francesca dhe AF Marina administron linjat Ankona Durrës dhe Bari Durrës me udhëtime vajte-ardhje me nisje disa herë në javë.

Interesi ndaj Vendit të Shqipeve është rritur duke arritur në 6 milionë vizitorë vitin e kaluar, sepse turisti mund të zgjedhë të kalojë pushimet e veta në Shqipëri për arsye të ndryshme, duke filluar nga trashëgimia kulturore deri tek atraksionet më të fundit turistike si zhvillimi i turizmit enologjik, projekti i portit të ri turistik të Durrësit, pamja e re e Tiranës, lindja e hoteleve të reja me pesë yje të grupeve të mirënjohura ndërkombëtare të Hotelerisë, konstruksioni i resorteve edhe në male me një perspektivë më të gjerë të një programi transformimi global të quajtur Rilindja urbane.

 edi rama takon gazetarët

 

Nga nga ky takim doli një aspekt i rëndësishëm: përgjegjësia e madhe që Italia ka ndaj Shqipërisë. Një referim kulturor dhe ekonomik për shqiptarët, një mënyrë për të përhapur gjuhën tonë, që në Shqipëri e flasin të gjithë dhe një mundësi investimi për sipërmarrësit tanë, të cilët në këtë vend mund të gjejnë mundësi të shkëlqyera investimi si në sektorin e turizmit ashtu edhe në sektorin e infrastrukturave.

Turizmi në Shqipëri në fakt po zhvillohet gjerësisht pasi vendi është afirmuar si një nga destinacionet e zgjedhura për pushimet verore dhe është i pasur me resurse dhe potencialitet.

Çfarë duhet të shohim në Shqipëri? E pra arsyet për të vizituar Vendin e Shqipeve janë të shumta. Duke filluar nga vendet arkeologjike si Apollonia, që është kandidat për të hyrë në trashëgiminë e Unesco-s, deri në vende me histori të lashtë si Berati, një qytet osman që tashmë është pjesë e vendeve të Unesco-s dhe për ata që zgjedhin pushimet në det, mund të vizitojnë plazhet në lokalitetet bregdetare si Saranda dhe Vlora por edhe vendet malore në Shqipërinë e veriut.

Pra Shqipëria përfaqëson një eldorado për ata që vendosin të investojnë ose thjesht për ata që duan të marrin një traget nga Italia për në Durrës dhe të shijojnë bukurinë e një toke që është ende e pa eksploruar.

 

Shihe artikujt në gjuhën shqipe këtu: 

 

  • “L'Albania è una piccola Italia: ecco perché piace" - SiViaggia
  • "L'Albania chiama, le imprese rispondono" - EconomyMag
  • "Il miracolo Albania? Incentivi fiscali e investimenti vantaggiosi per le imprese estere" - ildenaro.it
  • "Vacanze in Albania: per ritrovare l’Italia d’altri tempi" - Moto-OnTheRoad

 

Turizmi në Shqipëri: Educational Tour Press 2019

Shqipëria një botë e pa eksploruar


“Shqipëria një botë e pa eksploruar” është tema qendrore e Educational Tour Press (28 mars – 1° prill 2019) i organizuar nga Adria Ferries, shoqëria e udhëtimeve detare që tash 15 vite lidh Italinë me Shqipërinë e që mbulon të gjithë Adriatikun me tragetet e saj nga Ankona, Bari e Trieste për në Durrës.
Ky event i ka dhënë mundësinë një grupi prej 30 gazetarësh, nga gazetat më të rëndësishme italiane, për të vizituar disa nga lokalitetet më të bukura turistike në Shqipëri dhe për të takuar disa përfaqësues të qeverisë në inaugurimin e eventit në kontekstin madhështor të Plaza Hotel në Tiranë, 29 marsin e kaluar.
Në konferencën e shtypit gjatë hapjes morën pjesë Ministri i Turizmit Blendi Klosi dhe Ministri i Kulturës, Elva Margariti, të dy të bashkuar me Presidentin e Adria Ferries Alberto Rossi, në synimin e përbashkët për t’u Rritur bashkërisht.

 

Turizmi në Shqipëri: Educational Tour Press 2019

 

 

Diskutimi i Ministrit të Turizmit Blendi Klosi

 

Diskutimi i Ministrit të Turizmit Blendi Klos

 

Klosi u përqendrua në mundësitë e zhvillimit të vendit nga pikëpamja turistike dhe e hapi diskutimin me moton: “2 popuj, një det e një miqësi”, sigurisht e duke folur për miqtë fqinj italianë.

Ministri ka pohuar se viti 2018 ka pasur një rritje të turistëve italianë në Shqipëri me 60%, që korrespondon me rreth 326,000 veta.
Për sa i përket të ardhmes, pritet që përqindja të rritet derisa të arrijë mbi gjysmë milioni italianë që zgjedhin të kalojnë pushimet e tyre në Shqipëri.
Një ndihmë e vlefshme në këtë drejtim vjen nga lehtësimet e rëndësishme fiskale që qeveria shqiptare u ofron të gjithë investitorëve italianë që shohin në këtë vend një mundësi për të ndryshuar pozitivisht ndërmarrjet e tyre dhe për të investuar në sektorin e turizmit shqiptar.

 

 

Ministri i Kulturës Elva Margarit

 

Ministri i Kulturës Elva Margariti

 

Ministri i Kulturës Elva Margariti, nga ana tjetër, jo vetëm që u përqendrua në natyrën e pa eksploruar të tokës shqiptare, por edhe në thesaret e paçmuara kulturore, vendet arkeologjike, monumentet dhe kështjellat.

Në fjalën e saj, Ministria theksoi se trashëgimia kulturore shqiptare tashmë ka filluar t’i nënshtrohet një pune rivitalizuese e restauruese në një skenar zhvillimi ekonomik në evoluim të vazhdueshëm, të ndërtuar rreth vendeve me interes kulturor dhe historik, si zonat arkeologjike, monumentet, kështjellat, manastiret dhe fshatrat rurale, thesare të paçmuara të vendit të shqiponjave.
Adria Ferries ka organizuar këtë konferencë për të promovuar turizmin dhe kulturën në Shqipëri dhe për të tërhequr vëmendjen e mediave italiane në një vend pothuajse të pa eksploruar.

 

Konsulto artikujt në gjuhën shqipe këtu:

  • “Shqipëria një botë e pashkelur, Klosi: Në 2019 presim mbi gjysmë milionë turistë italian" - javanews.al
  • "Balla bashkëbisedim me gazetarët italianë: Turizmi sektor strategjik, pas 2013 u rrit ndjeshëm kontributi në ekonomi" - 360grade
  • "Shqipëria një botë e pashkelur, prezanton pasuritë turistike të vendit" - vloranews.al
  • "Ministri Klosi iu prezanton Shqipërinë turistike gazetarëve italianë" - abcnews.al

 

Taulant Balla: qeveria e scqipërisë synon të mbështetet te turizmi

Ministro turismo albanese

 

Me rastin e turneut Educational Tour Press në Shqipëri, 29 marsin e kaluar në Tiranë, 23 gazetarët pjesëmarrës patën mundësinë të takonin presidentin e grupit parlamentar të partisë socialiste Taulant Balla. Tema qendrore e fjalimit ishte roli i parlamentit shqiptar në promovimin e turizmit në Shqipëri për afirmimin e vlerave kombëtare në botë.

Shqipëria, në fakt, u ofron turistëve një shumëllojshmëri peizazhesh natyrore në gjendje që të kënaqin të gjitha shijet: 70% e territorit është i formuar nga vargmale pak a shumë të larta në varësi të zonës; parqe natyrore, rezerva, lumenj të gjatë si Drini dhe Vjosa, liqene të shumta dhe më shumë se 400 km bregdet, të karakterizuar nga deti me ujë kristal dhe plazhet e mahnitshme, që e bëjnë Shqipërinë një margaritar të Adriatikut.

Ndër vendet që duhet të vizitojmë në Shqipëri mund të përmendim sigurisht kryeqytetin Tirana, me një atmosferë më shumë se kaotike, të pasur me restorante, dyqane dhe tregje të vendit; Gjirokastrën, një trashëgimi kulturore e UNESCO-s dhe një nga qytetet më të vjetra të Shqipërisë, që strehon një sërë vendesh historike; Apollonia, e themeluar në vitin 588 p.K., sot një vend arkeologjik i pasur me rrënoja që përfshijnë një kishë, një teatër dhe një manastir; Vlorën, ​​një nga qytetet më të famshme bregdetare në Shqipëri dhe një destinacion shumë popullor për të gjithë turistët sepse ofron disa nga plazhet më të bukura në Shqipëri dhe Ballkan; Berati, një qytet tipik me origjinë otomane, që mund të eksplorohet në këmbë duke ndjekur shëtitjet e mrekullueshme përgjatë rrugëve të lashta të qytetit, paraqet panorama të mrekullueshme dhe është një destinacion i turizmit të aventurës për ata që e duan sportin si rafting në kanionet e lumit Osum; Durrësi, një nga qytetet dhe portet më të rëndësishme të vendit, që lidh Italinë dhe Shqipërinë me anën e shërbimeve të trageteve të shoqërisë Adria Ferries nga portet e Triestes, Ankonës dhe Barit me nisje disa herë në javë, me atmosferë relaksuese dhe me vende të ndryshme historike për t'u vizituar; Shkodra, konsiderohet kryeqyteti i 'çiklizmit' të Shqipërisë për mundësinë e përdorimit të biçikletave, ku nuk mund të humbasim një vizitë në kalanë e Rozafës të ndërtuar nga ilirët dhe pikë panoramike e qytetit, por edhe një shëtitje te liqeni me të njëjtin emër, në muzeun historik dhe në katedrale; Butrinti, një nga perlat e Shqipërisë, pranë Sarandës, një park kombëtar që konsiderohet trashëgimi botërore dhe i mbrojtur nga UNESCO që nga viti 1992, por edhe një vend arkeologjik me rrënoja të shumta, një amfiteatër dhe një tempull romak; së fundmi ndër gjërat që duhet të vizitojmë në Shqipëri, nuk mund të mungojnë Alpet Shqiptare, destinacioni kryesor turistik i të cilave është fshati Theth dhe ujëvara e tij karakteristike, një nga atraksionet më të bukura në Shqipëri.

Duke parë bukuritë e territorit shqiptar dhe rëndësinë që ka industria e turizmit në ekonominë e vendit, duke filluar nga disa vite më parë e deri më sot, Balla ka shprehur dëshirën që të përmirësohen strukturat e akomodimit, pa ndërhyrë shumë te natyra, një nga pikat e forta të Shqipërisë.

Strukturat e akomodimit u janë përshtatur përballjes së fluksin në rritje menjëhershme të të huajve në dy vitet e fundit. Këto struktura janë ndërtuar vitet e fundit dhe janë të pajisura me komoditete: deti dhe plazhet nuk kanë pse t’ua kenë zili destinacioneve më të kërkuara turistike në dekadën e fundit. Saranda, Vlora, Durrësi dhe Dhërmiu, lokalitete bregdetare me një ofertë më të madhe të strukturave turistike dhe hotelore: hotelet me 3-4-5 yje me një gamë të gjerë shërbimesh dhe shumë atraksione për të kënaqur edhe mysafirët më kërkues.

Shqipëria është një parajsë akoma e panjohur për shumë njerëz, por kjo nuk do të thotë se është një vend që nuk ka shumë për t’u ofruar vizitorëve të saj, kjo gjë është aq shumë e vërtetë sa që është bërë një nga destinacionet më të kërkuara nga turistët italianë dhe të huaj në kërkimet e tyre të pushimeve me kosto të ulët.

 

 

Conferenza stampa Adria Ferries turismo in Albania

 

Sipas ministrit Balla, industria e turizmit ka dhënë një kontribut të rëndësishëm në ekonominë e vendit si në aspektin monetar ashtu edhe në aspektin e mundësive të punësimit, duke u bërë një sektor strategjik për Shqipërinë që ka parë të fokusuar vëmendjen e Asamblesë, qeverisë, donatorëve, institucioneve dhe shoqërive private të sektorit për përgatitjen e kuadrit të nevojshëm ligjor dhe normativ, si një kërkesë themelore për të gjitha investimet dhe zhvillimin e pranueshëm.

 

Conferenza stampa Adria Ferries turismo in Albania

 

 

Për industrinë e turizmit, Asambleja ka adoptuar edhe një legjislacion fiskal të favorshëm: me legjislacionin Strategic Investment Legislation, tatimi mbi vlerën e shtuar për shërbimet e ofruara nga markat dhe restorantet e regjistruara në nivel ndërkombëtar brenda strukturave të akomodimit siç janë agroturizmet, është reduktuar në 6%, në mënyrë që të lehtësojë dhe mbështesë investitorët.

Objektivi i këtyre strategjive është rritja e vazhdueshme e turizmit të vendit në të gjitha frontet, si në produktivitetin ashtu edhe në shërbimet e ofruara, por edhe një përmirësim i rëndësishëm i imazhit në nivel ndërkombëtar. Ndër faktorët të cilëve u duhet kushtuar më shumë vëmendje dhe mbi të cilat duhet të punohet, Balla përfshin zgjerimin e brezit të moshës së turistëve që momentalisht është e përqendruar në 25-44 vjeç dhe zgjerimin e turistëve që mbërrijnë në Shqipëri përtej kufirit rajonal; së fundmi, modelimi i strukturave të shërbimeve turistike në një tipologji vizitorësh më "kulturorë", duke rivlerësuar dhe fuqizuar muzetë, vendet arkeologjike dhe monumentet e tjera.

Italia dhe Shqipëria gjithnjë e më afër 

Sipas Institutit Shqiptar të Statistikave (Instat) në janarin e 2019-ës, numri i të huajve që vizituan Shqipërinë në vitin 2018 është rritur me 15.8% në krahasim me vitin 2017, me mbi 5.9 milionë persona. Italia, pas Polonisë, Maqedonisë dhe Greqisë, arrin 436 mijë turistë italianë, ose 20 për qind më shumë se një vit më parë. Në Shqipëri, turizmi po bëhet gjithnjë e më shumë një sektor i rëndësishëm për ekonominë e vendit. Si rezultat ndikimi ekonomik është shpërndarë pastaj në sektorë të ndryshëm: në rritjen e shitjeve të aktiviteteve të hotelerisë, rritjen e numrit të punonjësve dhe rritjen e shitjeve të agjencive të udhëtimit. Përballë iniciativës së udhëhequr nga Adria Ferries, për të organizuar një turne Educational Tour Press, për të tërhequr vëmendjen e mediave të gazetave kryesore italiane, Balla u shpreh si më poshtë: "Adriatiku është një det që na bashkon dhe që nuk na ndan", pohoi Balla. "Ne jemi miq të Italisë dhe u garantojmë turistëve mikpritjen dhe sigurinë më të përzemërt. Jemi të lumtur për këtë joint venture me Adria Ferries për realizimin e këtij eventi". Shoqëria italiane e transportit, në fakt, ka disa vite që lidh Italinë dhe Shqipërinë me tragetet e saj, me nisje disa javore nga portet e Triestes, Ankonës dhe Barit për në Durrës dhe tashmë ka ndërmarrë fushatën e saj për të promovuar turizmin në vendin e shqiponjave.

 

Italia ed Albania unite per il turismo in Albania

 

 

 

Shihe artikujt në gjuhën shqipe këtu:  

 

  • “Turizmi, Balla bashkëbisedim me gazetarët italianë" - BalkanWeb
  • "Balla bashkëbisedim me gazetarët italianë: Turizmi sektor strategjik, pas 2013 u rrit ndjeshëm kontributi në ekonomi" - 360grade